أعلنت وزارة الداخلية رسميًا عن فتح باب التقديم على الدورة الـ12 في معهد إعداد مفوضي الشرطة للذكور فقط، والخاص بخريجي الثالث المتوسط للعامين (2023-2024) و(2024-2025)، ويشمل كل المحافظات العراقية.
🗓️ التقديم راح يبدي من يوم 1-8-2025 ويستمر لغاية 10-8-2025، يعني عندكم عشرة أيام تقدمون بيها.
✅ شروط التقديم:
- لازم المتقدم يكون عراقي الأصل ومن أبوين عراقيين.
- حاصل على شهادة الثالث المتوسط.
- العمر بين 16 - 21 سنة، وإذا منتسب يجوز لعمره يوصل 23 سنة.
- الطول ما يقل عن 160 سم ومحيط الصدر 70 سم وفوك.
- ينجح بالفحص الطبي، اللياقة البدنية، والمقابلة.
- يكون حسن السيرة وما عليه أي قضية أو حكم.
- المعدل المطلوب للتقديم هو 65% فما فوق.
- لازم يسوي كفالة مالية بعد القبول ويوقع على التزامه بالخدمة.
- يشمل سكان كل المحافظات وحتى الإقليم بس أبناء الإقليم لازم يكونون منتسبين للوزارة ويعرفون عربي.
- لازم يتعهد إنه يخدم بأي مكان بالعراق.
- إذا عندك شهادة "شهيد، سجين، ابن ضابط" ترفق الإثبات.
📌 شغلات مهمة لازم تنتبهلها:
- راح تدفع 25 ألف دينار عن طريق الدفع الإلكتروني.
- المفاضلة حسب المعدل، يعني كلما أعلى كلما أحسن فرصتك.
- ماكو أي استثناءات، يعني اللي ما ينطبق عليه شرط ينرفض.
- التقديم فقط عبر تطبيق "عين العراق"، مو مواقع ثانية.
📲 رابط تحميل التطبيق من هنا
📍 نصائح أثناء التقديم:
- تأكد تدخل المعدل والمجموع صحيحين مثل ما مذكور بالوثيقة.
- إذا عندك استفسار، راسل صفحة وزارة الداخلية على الفيس بوك خلال 3 أيام من التقديم:
https://www.facebook.com/iqmoijobs - كل معلومة غلط راح تسبب رفض مباشر.
- بعد القبول، راح توصلك رسالة بالفحص على رقمك أو رقم الطلب، فلا تنساه.
🧾 الأوراق المطلوبة لما تنقبل:
- الوثيقة الأصلية من المدرسة + 4 نسخ.
- البطاقة الوطنية إلك ولوالدك ولوالدتك (أصل + 4 نسخ).
- بطاقة السكن (أصل + 4 نسخ).
- 20 صورة شخصية.
- تأييد من المجلس البلدي.
- إذا أنت ابن شهيد أو ضابط أو من فئة الأقليات، لازم تجيب الإثبات وياك.